مسا الخير
كانت عندي حساسيه اكزيما نوعها النخاله الورديه منتشره في كل جسمي، رحت لدكتوره جلديه و قالت انه الحل الوحيد هو الكورتيزون، بس ما حبيت اخذه لانه اصلا عندي خلل في وظائف الكبد و ما حبيت ازيد السموم في جسمي.
خذت استشاره غذائيه نفسية مع استاذ عاصم و عطاني برنامج صيام يحتوي على وجبات محددة مع مشروبات داعمة، اول شي لاحظته انه الحكه و الشعور بالحرقان اختفى في اول يومين ، و بعد سابع يوم اختفت الاكزيما من رقبتي و بداية صدري مع انه هذا اكثر مكان كان متركز فيه وبطريقه بشعه و حاليا يخف بالتدريج من باقي جسمي.
و من ضمن الاشياء اللي لاحظتها ، انه صارت عندي نضاره في بشرتي، حسيت اني يالسه اصغر فالسن😆 و كانت عندي تصبغات خفيفه على خدودي بس اختفن و حتى شفايفي صارن ورديات اكثر ، عرفت من هذه الاشارات انه الكبد يالسه تتنقى و لله الحمد.
صارلي ٥ سنين و انا عندي اضطرابات فالنوم، اللي لاحظته انه تغير نومي للافضل بدرجه كبيره ، و الحمدلله رديت لرياضه المشي اللي موقفتها من سنيــن لاني احس حاليا فيه طاقة و نشاط.
ممتنه لاستاذ عاصم، ربي يبارك له في علمه
